O Senado nacional aproba por unanimidade a necesidade de baños adaptados para persoas ostomizadas
presentOUSE NO Senado a iniciativa de ACCU Ourense
Violante Tomás Olivares presentando a moción no Senado
¡Estamos de noraboa!. O Senado español reconoce que as persoas ostomizadas necesitamos dispositivos que se adapten ás nosas circunstancias para poder desenvolver unha vida máis autónoma e independente.
O 13 de outubro de 2021 tódolos grupos do Senado aprobaron por unanimidade a iniciativa de ACCU Ourense sobre a necesidade de baños adaptados para persoas ostomizadas. Esta iniciativa deu os seus frutos grazas, sobre todo, ao exsenador do grupo popular por Galicia, don Jesús Vázquez Abad, e o seu gran compromiso co colectivo.
Así, debemos mostrar o noso enorme agradecemento á senadora doña Violante Tomás Olivares por retomar a testemuña e presentar a moción no Senado e a tódolos grupos políticos polo seu apoio unánime na implementación progresiva de baños adaptados para persoas ostomizadas, sempre en colaboración coas Comunidades Autónomas e os concellos.
Sinalar que ACCU Ourense conseguiu a implementación dos baños adaptados para persoas ostomizadas na provincia de Ourense nos seguintes lugares:
| ACCU Ourense – CIS Aixiña | Polideportivo municipal de Outomuro |
| Pazo dos Deportes Paco Paz | Casa social de Cartelle |
| Centro Cultural Marcos Valcárcel | Biblioteca San Cibrao das Viñas |
| Delegación Territorial da Xunta en Ourense | Ximnasio municipal Ponte Noalla |
| Edificio xudicial | Baños públicos Xardíns do Padre Feijoo |
| Centro Comercial y Ocio Ponte Vella | Baños públicos Parque de San Lázaro |
| Complexo deportivo Monterrei | Baños públicos Alameda da Ponte |
| Balneario de Laias Caldaria | Baños públicos Campo da Feira |
| Casa do concello de A Merca | Delegación Territorial da Xunta en Vigo |
| Pavillón Polideportivo de A Merca | Cudade da Xustiza de Vigo |
| Casa do concello de A Peroxa | AECC Ourense |
| Centro sociocomunitario da Xunta en Ourense | Universidade de Vigo |
A implementación de actuacións de ACCU Ourense como esta son posibles coa cofinanciación da Xunta de Galicia a través da Confederación Galega de Persoas con Discapacidade -COGAMI-. Grazas a que as persoas contribuíntes marcan na declaración da renta o X Solidario para destinar o 0,7 % a programas de fins sociais, ACCU Ourense implementa actuacións como os baños adaptados para persoas ostomizadas enmarcado no programa de atención social e asesoramento especializado.