Todos os dereitos. Todas as mulleres.
ACCU Ourense celebrou O 8 de marzo, Día Internacional da Muller, xunto coas entidades do CIS Aixiña como cada ano e para reflexionar sobre o rol fundamental das mulleres nos diferentes ámbitos da vida e conmemorar a loita por un mundo máis xusto e igualitario.
A pesar dos avances conseguidos en materia de dereitos nos últimos tempos, as nenas e mulleres con discapacidade seguímonos enfrontando diariamente a situacións de violencia, desigualdade e capacitismo. Por iso, esta data pedimos ante os poderes públicos e a sociedade no seu conxunto, un cambio real fronte ás inxustizas sociais. Neste 8M reivindicamos: Todos os dereitos, para todas as mulleres.
